Ish futbollisti i përfaqësueses shqiptare, Alban Bushi, ka thënë se Kombëtarja Shqiptare mjaft i është lutur Adnan Januzajt. Bushi tha se Januzaj mbetet një xhevahir i futbollit shqiptar, por tani ka ardhur koha të vendosë ai. “Një talent i rrallë, por mendoj se koha e lutjeve mbaroi. Nuk e paragjykoj, edhe nëse nuk vjen. E vlerësojmë shumë si futbollist dhe derën e ka të hapur. E kemi ftuar disa herë dhe do e ftojmë sërish, sepse ia kemi nevojën, pasi një si ai i bën shumë punë Shqipërisë. Gjithsesi, edhe djaloshi me familjen e tij mendoj se duhet të marrin një vendim. Nuk më duket se shkon më që t’i lutemi, sepse ai që është shqiptar e di se çfarë duhet të zgjedhë. Unë e vlerësoj edhe nëse nuk zgjedh Shqipërinë” ka thënë Bushi.
No comments:
Post a Comment