Showmeni Mourinho ka të njëjtat cilësi të trajnerit Mourinho. Kështu pasi shprehu publikisht shpresën për një dëmtim të Luis Suarez në vigjilje të Chelsea-Liverpool, portugezi sulmon uruguajanin pasi e mposhti 2-1 dhe e mbajti nën fre në përballjen e drejtëpërdrejtë. Suarez u ankua për një penallti të mohuar në pjesën e dytë, dhe kur e pyetën për protestën e sulmuesit “Special One” nuk e kursen polemikën dhe tenton të përmbysë letrat në tavolinë duke pretenduar 11 metersh për Chelsean. “Suarez duhej ndëshkuar me karton të verdhë, i urrej lojtarët që provokojnë. Kishte një penallti në dëm të Hazard por kjo na ndodh çdo javë dhe nuk është e drejtë. Gjithsesi diferenca mes skuadrës që fitoi dhe asaj që humbi ishte minimale. Ishim me fat që fituam2, është shprehur trajneri i Chelsea-t. Por Mourinho nuk e kap vetëm me kundërshtarët, por edhe me të tijët edhe pse në fillim i lëvdon. “Këta futbollistë janë përbindësha. Luftuan deri në sekondën e fundit Kur shikoj djem si Oscar dhe Hazard që rrisin nivelin në ndeshje të mëdha si kjo jam shumë i lumtur”, është shprehur Mourinho. Pastaj komplimente edhe për John Terryn: “600 ndeshjet e tij? Më e rëndësishme është që ka luajtur gjithë minutat e gjithë ndeshjeve në kampionat këtë sezon, dhe kjo po ndodh pasi po luan në mënyrë fantastike”. Por nuk vlen e njëjta gjë për Samuel Etoo, edhe pse kamerunasi shënoi. “E kritikoj Eto’o pasi ende nuk po ja del të adaptohet me Premier League, Sa më parë ta bëjë aq më shpejt do të fillojë të argëtohet”, vijoi portugezi. David Luiz ja thotë drejtëpërdrejtë mendimin e tij: “U ndëshkove me karton të verdhë qëllimisht, në mënyrë që të ktheheshe në shtëpi në Portugali”. Por kjo ishte vetëm një shaka.
No comments:
Post a Comment