Ajo tashmë e ka bërë një zakon që ta fotografojë vetëm kudo që ndodhet, në rroba banje apo gjysmë e zhveshur dhe pastaj këto foto t’i postojë në rrjetet sociale, sidomos në “Twitter”, duke ua ngacmuar imagjinatën adhuruesve të saj të shumtë, që e përcjellin në këto rrjete. “Më pëlqen ta fotografoj trupin tim të lakuriquar. Nuk më vjen aspak turp për këtë. Dua që kohë pas kohe, t’i shpërblej adhuruesit e mi për besnikërinë e tyre ndaj meje”, ka shkruar ajo në Twitter. Por nuk janë vetëm fotot mjetet me të cilat intrigon fansat e saj. Ajo shpesh me komentet e saj të nxehta, zbulon edhe preferencat e saj rreth meshkujve, seksit dhe gjërave tjera intime. Ajo një kohë ishte ankuar se meshkujt po ia kanë frikën që t’i afrohen dhe i ka trimëruar ata që të mos ngurrojnë por ta provojnë fatin e tyre. “Nuk e di pse meshkujt ma kanë frikën. Nuk e di pse ndodh kjo, por do t’i inkurajoja të gjithë që ta provojnë njëherë”, kishte shkruar ajo. Po ashtu, ajo ka zbuluar se tek një mashkull nuk e shikon gjithmonë vetëm bukurinë, por janë edhe vlerat tjera të cilat janë më të rëndësishme se dukja. “Nuk është vetëm bukuria ajo që më tërheq tek një mashkull. Nëse nuk ka sens humori, nuk i pëlqejnë aventurat dhe nuk e di se çfarë dëshiron, atëherë nuk është për mua”, ka deklaruar bukuroshja Bar Refaeli.
No comments:
Post a Comment