Një deputete e opozitës u fotografua dje në parlamentin ukrainas e veshur me një antiplumb. Lesya Orobyets kishte veshur jelek antiplumb të martën teksa kryeministri Mykola Azarov dha dorëheqjen pas trazirave të fundit të ndodhura në këtë Kiev. Presidenti i Ukrainës Viktor Yanukovych e pranoi dorëheqjen e kryeministrit dhe kabinetit të tij, gjest ky që deri më tani nuk i ka zbutur protestat anti-qeveritare. Mykola Azarov u ofrua të lërë postin e tij në krye të ekzekutivit me qëllimin që t’i hapet rruga gjetjes se një kompromisi social dhe politik. Lëvizja e Azarovit erdhi pas votimit me shumicë dërrmuese në parlament për shfuqizimin e ligjit të shumëdiskutuar kundër protestave.
No comments:
Post a Comment