Që prej pesë vitesh qytetarja, S.S, nga Prishtina po endet dyerve të gjykatave për të kërkuar drejtësi për veten e saj. Qytetarja në fjalë, nën e një fëmije të mitur, është dhunuar më herët nga ish-bashkëshorti i saj, por edhe sot e kësaj dite ajo vijon të ndihet e rrezikuar. Për këtë arsye, ajo i është drejtuar gjykatës që në vitin 2009, me shpresën se ligji do ta mbrojë edhe atë, por një gje e tillë ende nuk ka ndodhur. Për shkak të zvarritjes së çështjes nga gjykata, asaj, jo vetëm që i rrezikohet jeta, por ajo nuk guxon të largohet nga vendi me fëmijën e mitur pasi ish-bashkëshorti, babi i fëmijës, nuk lëshon autorizimin për pajisjen e fëmijës me pasaportë, apo për lëvizjen e së miturës jashtë vendit nën shoqërinë e nënës. “Dhuna që e ka ushtruar ish-bashkëshorti im ndaj meje, më ka detyruar të shkoj dyerve të gjykatave. Në qershor të vitit 2009, ish bashkëshorti, L.I, më ka rrahur para kolegeve të mia, në një kafene, në një vend publik. Si dhe më ka kërcënuar me armë”, ka thënë S.S.
No comments:
Post a Comment