Parlamenti i Ukrainës është përgjakur ditën e djeshme nga rrahjet mes deputetëve të mazhorancës pro-ruse dhe atyre të opozitës por-evropiane. Grushte dhe përleshje fizike pati gjatë debatit parlamentar mbi buxhetin e shtetit. Dhuna nisi kur parlamenti aprovoi buxhetin shtetëror të vitit 2014, i cili ishte vonuar dy muaj. Vladimir Malyshev, deputet i shumicës parlamentare pro-ruse, mbeti me ballë të gjakosur dhe me duar të gjakosura nga balli i tij, pas përleshjes me një tjetër deputet. Mjekët mbërritën shpejt në sallë për ta mjekuar atë, ndërsa Parlamenti vazhdoi procedurat e rendit të ditës. Megjithatë, kjo nuk është hera e parë që në Ukrainë deputetët përleshen me njëri-tjetrin. Skena të ngjashme ndodhën edhe vitin e kaluar, kur opozita pro-perëndimore, e cila dëshiron ta largojë Ukrainën nga hija e Rusisë, shkëmbyen goditje me ligjvënësit e partisë së presidentit ukrainas, Viktor Yanukovych. Një “luftë” tjetër e rëndë ndodhi dhjetorin e vitit 2010, nga e cila së paku gjashtë ligjvënës u dërguan në spital. Gjatë një përleshjeje prillin e vitit 2010, kryeparlamentari u fsheh prapa një ombrelle, ndërsa ligjvënësit e opozitës hidhnin vezë dhe bomba tymi për të protestuar një pakt detar me Rusinë.
No comments:
Post a Comment