Pak ditë pasi humbi “Topin e artë”, Frank Riberi rrezikon të humbasë, jo vetëm Botërorin, por edhe lirinë e tij. Fantazisti francez dhe shoku i ekipit kombëtar Karim Benzema, pritet të dalin përpara gjykatës këtë të hënë për tu përballur me akuzën për abuzim seksual me një vajzë të mitur, para pesë vitesh. Avokati mbrojtës i Riberi shprehet i vendosur se klienti i tij nuk do ta humbasë Botërorin e Brazilit. “Nuk ka prova se ai e dinte moshën e saj, ai do të paraqitet në gjykatë dhe unë besoj se çdo gjë që do rezultojë mbas gjyqit, zoti Ribery do të shkojë në Brazil këtë qershor”, tha avokati Carlo Alberto-Bruce. Me bazë të dosjes, Zahia Dehar ishte një prostitutë në moshën 16-vjecare, por u thoshte “klientëve” se ishte mbi 18 vjeç. Në vitin 2008 (kur ishte 16 vjec) duket që ka kaluar një natë në një suitë hoteli në Paris me sulmuesin Karim Benzema. Një vit më pas, adoleshentja Zahia udhëtoi me avion për në Mynih, për festën e ditëlindjes të Frank Riberi. Futbollisti pohon se ka kryer marrëdhënie seksuale me adoleshenten, por hodhi poshtë pretendimet e saj se e dinte se ajo ishte 17-vjecare. Skandali që shpërtheu e shndërroi adoleshenten në një person të famshëm. Tashmë 22-vjeçarja ka lancuar koleksionin e saj personal me të brendshme. Në rast se dënohen, Ribery dhe Benzema do të përballen me tre vjet burgim dhe një gjobë prej 45.000 euro.
No comments:
Post a Comment