Ja pse Evropa është më e mirë se Amerika

JU LUTEM SE PARI KLIKONI TEK KATRORI ME LART

Banorët e Evropës duan të theksojnë se janë më të sofistikuar, më të kulturuar e më të arsimuar se amerikanët. Megjithatë, kur ky përfundim jepet nga perspektiva e SHBA-ve, atëherë kjo del më interesante, sepse këtë e mendojnë edhe amerikanët.

Huffington Post ka bërë një listë të arsyeve se pse evropianët janë më të mirë se amerikanët. Telegrafi transmeton gjërat që ata i kanë theksuar në listën e tyre.

1. Sistemi Shëndetësor

Është mjaft e logjikshme që kjo të jetë pika e parë, pasi fjala është për një çështje të nxehtë në SHBA. Atje ka çdo herë e më shumë fëmijë në mbipeshë, ndërsa kjo shoqërohet me faktin se një numër i madh i popullsisë është me shëndet të keq. Mu për këtë, Kongresi amerikan synon që sistemin e vet ta ndryshojë dhe që si model të marrë shtetet evropiane, si Spanja, Zvicra dhe Suedia.

LEXO PO ASHTU: Dhjetë shtetet e mëdha që u zhdukën gjatë shekullit XX

2. Djathërat

Në Evropë prodhohen djathërat si parmezani, gorgozela, feta... ndërsa, amerikanët kanë një masë të verdhë të pacaktuar që e paraqesin si brend të tyre.

3. Transporti publik

Të gjitha qytetet e mëdha në vendet e Evropës kanë metro të shpejtë që për disa minuta mund t’ju transportojnë në anën tjetër të qytetit, derisa SHBA-të kanë trafik të ngadaltë të qytetit ku ndonjëherë duhet pritur deri tri orë. Për shembull, nga Los Anxhelosi deri në San Francisko janë afro 620 kilometra, e për këtë rrugë ju duhen 12 orë transport.

LEXO PO ASHTU: Qytetet ku të gjithë do të donin të jetojnë (Foto)

4. Jetëgjatësia

Mosha mesatare e jetës në Zvicër dhe San Marinos është 83, derisa banorët e hemisferën perëndimore jetojnë mesatarisht 77 vjet.

5. Pushimet

Në krye të listës së destinacioneve të para për pushim zënë vend shtetet e Evropës. Këtu hyjnë Greqia, Spanja, Italia, Turqia... Evropianët kryesojnë edhe me ditët e pushimit. Kështu, derisa në Austri janë 35 ditë pushimi, në SHBA me ligj vlen pushimi vjetor dhe festat.

LEXO PO ASHTU: SHBA, “ferr” për punëtorët - Austria, “parajsë” për punëtorët!? (Foto)

6. Futbolli

Shtetet evropiane kanë fituar 10 nga 19 Kampionatet botërore, të kryesuara nga Italia, Gjermania, Spanja. Në anën tjetër, amerikanët nuk u kualifikuan për Kupën Botërore për 40 vjet pas vitit 1950, ndërkohë që plasmanin më të mirë e kishin më 1930.

7. Masat

Evropianët përdorin sistemin metrik. Amerikanët përdorin të ashtuquajturat masa angleze apo sistemin standard. Kjo shumëkujt i paraqet problem për shndërrim në sistemin metrik, për çka bëhen edhe gabime.